Դալասում դիպուկահարների կրակից սպանված ոստիկանների թիվը հասել է 4-ի
hraparak
8 Հուլիս 2016 | 06:45
0
Դալասում (ԱՄՆ Տեխասի նահանգ) բողոքի ակցիայի ժամանակ դիպուկահարների կողմից սպանված ոստիկանների թիվը հասել է 4-ի, տեղեկացնում է քաղաքի ոստիկանության դեպարտամենտի պաշտոնական էջը Twitter-ում:
«Ծանր սրտով և մեծ ցավով տեղեկացնում ենք, որ չորրորդ սպան մահացավ»,- նշված է միկրոբլոգում:
Ավելի վաղ հայտնի էր 3 ոստիկանի սպանության մասին:
Ինչպես հաղորդում է Fox News-ը ևս 7 ոստիկան և մեկ քաղաքացիական անձ վիրավոր են:
Տղամարդը, ում լուսանկարը ավելի վաղ տարածվել էր, քիչ առաջ անձամբ ներկայացել է ոստիկանություն, սակայն դեռ պարզ չէ՝ նա հանդիսանո՞ւմ է, արդյոք, սպանությունների մասնակից, թե՞ ոչ:
Մյուս կասկածյալը փոխհրաձգության արդյունքում վնասազերծվել և ձերբակալվել է: Նրա մոտ հայտնաբերված կասկածելի փաթեթը սակրավորների կողմից ոչնչացված է:
Նշենք, որ կրակոցները սկսվել են ոստիկանության բռնությունների դեմ ուղղված բողոքի զանգվածային ակցիայի ժամանակ: ԱՄՆ մի շարք քաղաքներում մարդիկ փողոց են դուրս եկել իրենց բողոքը հայտնելու օրեր առաջ Լուիզանա և Մինեսոտա նահանգներում ոստիկանների կողմից երկու սևամորթ տղամարդու սպանվանության կապակցությամբ:
Նշենք, որ երեկ Սպիտակ տունը հայտարարություն էր տարածել այն մասին, որ նախագահ Բարաք Օբաման անհանգստացած է աֆրոամերիկացիների սպանության փաստով և ուշադրությամբ հետևում է դեպքերի զարգացմանը:
Կարծիքներ