Մոսկվան պատասխանել է Վոլինի կոտորածների մասին լեհ նախարարի հայտարարությանը
![Մոսկվան պատասխանել է Վոլինի կոտորածների մասին լեհ նախարարի հայտարարությանը](https://hraparak.am/uploads/images/990c74a99e4c86084f08a2af8457876d.jpg)
ՌԴ ԱԳՆ պաշտոնական ներկայացուցիչ Մարիա Զախարովան մեկնաբանել է Լեհաստանի պաշտպանության նախարար Անտոնի Մաչերևիչի խոսքերը «Վոլինի կոտորածների» մասին:
Ավելի վաղ Մաչերևիչը, ով հայտնի է իր հակառուսական արտահայտություններով, հայտարարել էր, որ Ռուսաստանն է ուկրաինացի ազգայնամոլներին դրդել իրականացնելու լեհերի ցեղասպանությունը:
Իր ֆեյսբուքյան էջում Մարիա Զախարովան պաշտոնական Վարշավային խնդրել է ճշտել՝ նախարարը բարձրաձայնել է Լեհաստանի պաշտոնական տեսակե՞տը, թե՞ իր անձնական կարծիքն է արտահայտել, և, առահասարակ, կա՞ն պատմական իրադարձություններ և բնական երևույթներ, որոնց մեջ Ռուսաստանը մեղք չունի:
Զախարովան նաև ընդգծել է. «Արդյոք վտանգ չկա՞, որ նման հայտարարությանը լռելյայն համաձայնելով՝ Լեհաստանի ղեկավարությունը կենցաղային ռուսաֆոբիայից աննկատ անցում է կատարում դեպի ազգային ատելության բորբոքում»:
Կարծիքներ