Պուտինը Լավրովին և Քերիին կընդունի հուլիսի 14-ին
hraparak
13 Հուլիս 2016 | 11:00
0
Ռուսաստանի նախագահ Վլադիմիր Պուտինը ՌԴ արտգործնախարար Սերգեյ Լավրովին և ԱՄՆ պետքարտուղար Ջոն Քերրիին կընդունի հուլիսի 14-ին, տեղեկացնում է Риа Новости-ն, հղում կատարելով նախագահի մամլո ծառայության ղեկավար Դմիտրի Պեսկովի հայտարարությանը:
«Բանակցությունների թեմաները բավականին կանխատեսելի են՝ Սիրիա, Ուկրաինա, երկկողմ հարաբերություններ»,- ասել է Պեսկովը:
Ավելի վաղ Պետդեպարտամենտի ներկայացուցիչ Ջոն Քիրբին հայտարարել էր, որ Մոսկվա կատարելիք այցի ընթացքում Ջոն Քերրին մտադիր է քննարկել Սիրիայի հակամարտության կարգավորման մոտեցումները, Ուկրաինայի խնդիրը և Լեռնային Ղարաբաղի հարցում հնարավոր զարգացումները:
Կարծիքներ