Դաղստանում կրկին ահաբեկիչներ են փնտրում
![Դաղստանում կրկին ահաբեկիչներ են փնտրում](https://hraparak.am/uploads/images/95ed555eae7a0b1b2bcb9b77583b9a5f.jpg)
Ինչպես հաղորդում է РИА Новости-ն, ՌԴ Դաղստանի Բույնակսկի շրջանում կրկին հակա-ահաբեկչական գործողության հատուկ ռեժիմ է մտցվել Կարաբուդախքենթսկ գյուղում` հատուկ գործողություն իրականացնելու համար: Ինչպես փոխանցել են լրատվամիջոցին տեղի իրավապահ մարմիններից, կա վտանգ, որ վերոնշյալ շրջաններում թաքնվում են գրոհայիններ, որոնք պատկանում են ԻՊ խմբավորմանը, եւ կարիք կա դրանց վնասազերծելու: Փակվել են նաեւ նույն շրջանի Դորղելի եւ Կակաշուրա գյուղերն իրար կապող ճանապարհը:
Հիշեցնենք, որ վերջին ամիսներին բավական ակտիվացել են գրոհայինները ռուսական Հյուսիսային Կովկասում, ինչով պայմանավորված էլ տեղում իրականացվում են հատուկ գործողություններ` վերջիններիս վնասազերծման ուղղությամբ:
Կարծիքներ