Սպասում եմ նրանց վերադարձին․ միշտ տվել եմ ամեն ինչ, որպեսզի օգնեմ թիմին հաղթել․ Մխիթարյան

Հայաստանի ազգային հավաքականի նախկին ավագ ու առաջատար Հենրիխ Մխիթարյանը խոսել է ակումբային նոր մրցաշրջանի նախապատրաստական շրջանի մասին։

«Պատրաստ սպասում եմ թիմակիցներիս վերադարձին, որպեսզի միասին խաղանք և հասնենք մեր նպատակներին։ Թիմակիցներս միշտ օգնել են ինձ։ Ես միշտ տվել եմ ամեն ինչ, որպեսզի օգնեմ թիմին հաղթել։ Ես այստեղ եմ խաղալու, պատմություն գրելու այս ակումբի համար, և պատրաստ եմ դա անել նաև այս մրցաշրջանում»,- նշել է հայազգի ֆուտբոլիստը։

«Մեր նպատակները երբեք չեն փոխվում։ Մենք այստեղ ենք պայքարելու Սկուդետոյի համար, հաղթելու Իտալիայի գավաթը և Իտալիայի Սուպերգավաթը: Բացի այդ, մենք ցանկանում ենք որքան հնարավոր է առաջ գնալ Չեմպիոնների լիգայում, ինչն արեցինք նախորդ տարի։ Հույս ունենք, որ նույնը կանենք նաև այս մրցաշրջանում»,- ասել է ֆուտբոլիստը «Ինտերի» մամուլի ծառայությանը տված վերջին հարցազրույցում։