Սիրիայում գործարկվել է արևային էներգիայով աշխատող առաջին հիվանդանոցը
![Սիրիայում գործարկվել է արևային էներգիայով աշխատող առաջին հիվանդանոցը](https://hraparak.am/uploads/images/26460ae9d33117d70846ce3dc9daeb2d.jpg)
Մի քանի ամիս փորձարկումներ անցնելուց հետո Սիրիայում բացվել է արևային էներգիայով աշխատող առաջին հիվանդանոցը, հաղորդում է Reuters-ը:
Քաղաքացիական պատերազմի ընթացքում երկրի էլեկտրական ենթակառուցվածքների վնասվելու պատճառով շատ հիվանդանոցներ դիզելային գեներատորներ են տեղադրել, սակայն, դիզվառելիքի մատակարարումների անկանոնութան և անբավարարության պատճառով չեն կարողանում գործել լիարժեք:
Ինչպես հաղորդում է գործակալությունը, Բժշկական կազմակերպությունների և հաստատությունների միությունը Սիրիայում իրականացրել է Syria Solar ծրագիրը, որպեսզի նվազեցնի հիվանդանոցների կախվածությունը դիզվառելիքից:
Առաջին «արևային» հիվանդանոցը, որի տեղակայման վայրը անվտանգության նկատառումներով չի նշվում, էլեկտրականություն է ստանում ինչպես դիզելային գեներատորներից, այնպես էլ 480 արևային մարտկոցներից, որոնք, դիզվառելիքի բացակայության պայմաններում 24 ժամ շարունակ էլեկտրական էներգիայով կապահովեն վերակենդանացման և վիրահատական բաժանմունքները:
Կարծիքներ