Լրագրային շանսոն

Հետախուզում

ՀՀ ԱԱԾ-ն փնտրում է տաքսիստին, ով պարոն Դմիտրի Կիսիլյովին տեղափոխելիս խայտառակել է ռեսպուբլիկան: Արդեն Ստուգումներ են անցկացվել ՙКалина՚, ՙМалина՚, ՙДубровка՚ և ՙРублевка՚ տաքսի ծառայություններում:

Սրտից  է խոսել

Աղվան Վարդանյանի` ԱԺ-ում խոսել միայն հայերեն և միջոցառումները կազմակերպել հայերեն լեզվով, պահանջին` ինչ-ինչ նկատառումներով և անսովոր արագությամբ կողմ է արտահայտվել ԱԺ նախագահ Գալուստ Սահակյանը, ասելով` ես համաձայն եմ:

Давай до свидания

Այսօր ՙԶվարթնոց՚ օդանավակայանում տեղի է ունեցել Դմիտրի Կիսիլյովին ճանապարհելու պաշտոնական արարողությունը: Արարողությանը ներկա էր հայ-ռուսական ՙԳրիբոյեդով՚ կլուբի ողջ էլիտան`պատգամավորներ, կառավարության անդամներ, բարձրաստիճան այլ պաշտոնատար անձինք:

Զոմբիներին քշելու աղոթք

Պնակալեզ, պատեհապաշտ բ.-ի  տղերք`

Անհայրենիք, անսրբություն, անաղուհաց,

Երկրի հողին այս հին ու սուրբ մի կղկղեք`

Երազախաբ երազների կրքին տրված:

Ու մի փորձեք կարգ սահմանել վերապրողի,

Ձեր ժամն անցավ, շնթռեք ձեր փայ գերեզմանում,

Ոչ մի մեռյալ դեռ չի մտել տաք անկողին,

Մեռյալները գերեզմանում չեն բազմանում…

Էդիկ ԱՆԴՐԵԱՍՅԱՆ