Օձերը գրոհել են Թբիլիսին
![Օձերը գրոհել են Թբիլիսին](https://hraparak.am/uploads/images/d87bb0908cafee73fa1cd2031db7bbf8.jpg)
Թբիլիսիի քաղաքապետարանի Կենդանիների մոնիթորինգի գործակալությունը նախազգուշացնում է բնակիչներին օձերի հարձակման մասին, հաղորդում է gazeta.ru-ն:
«Վերջին երկու ամսվա ընթացքում գրանցվել է քաղաքի տարբեր հատվածներում օձերի հայտնաբերման 460 դեպք, այդ թվում՝ ամառվա սկզբից ի վեր՝ 252 դեպք»,- հայտարարել է գործակալության տնօրեն Թեյմուրազ Պխալաձեն:
Նշվում է, որ հայտնաբերված օձերից ոչ մեկը թունավոր չի եղել:
Սակայն իշխանությունները խնդրում են քաղաքի բնակիչներին առավելագույն զգուշություն ցուցաբերել և չփորձել ինքնուրույն բռնել սողուններին:
Ընդ որում՝ նա նախազգուշացրել է, որ շոգ ամառվա պատճառով քաղաքում նրանց հայտնվելը կարող է արդիական լինել մինչև հոկտեմբերի կեսերը։
Կարծիքներ