Թրամփը վստահ է, որ կարող է լավ հարաբերություններ հաստատել Պուտինի հետ
![Թրամփը վստահ է, որ կարող է լավ հարաբերություններ հաստատել Պուտինի հետ](https://hraparak.am/uploads/images/31aa95b2232ddf87f9fadc792703aaf5.jpg)
Ամերիկյան ABC հեռուստաալիքին տված հարցազրույցում ԱՄՆ նախագահի թեկնածու Դոնալդ Թրամփը հայտարարել է, որ եթե ինքը հետագայում ղեկավարի ամերիկյան ադմինստրացիան, ապա կհամագործակցի Ռուսաստանի նախագահ Վլադիմիր Պուտինի հետ՝ հանուն իր երկրի բարօրության:
«Եթե Պուտինը հարգում է ինձ, անվանում փայլուն գործիչ... ապա խոստովանում եմ, որ ես էլ իմ կողմից նրան կընդունեմ մեր երկրի համար: Եթե մենք կարողանանք հարաբերվել Ռուսաստանի հետ, ապա դա միայն դրական կլինի մեզ համար և ոչ բացասական»,- ասել է միլիարդատերը:
Թրամփը քննադատության է ենթարկել նաև մի շարք երկրների ղեկավարների, ովքեր լեզու չեն գտնում Պուտինի հետ: Նրա կարծիքով՝ Ռուսաստանի առաջնորդը տանել չի կարողանում Օբամային, և դա բարդություններ է առաջացնում երկու երկրների հարաբերություններում: Թրամփը ընդգծել է, որ Մոսկվան կարող է «Իսլամական պետություն» խմբավորման դեմ պայքարում շատ ուժեղ դաշնակից լինել:
Կարծիքներ