Էական չէ՝ ով զանգեց կամ ու՞մ տանը հանդիպեցին. ԱԱԾ նախկին փոխնախարար
ՀՀ ԱԱԾ նախկին փոխնախարար Գուրգեն Եղիազարյանը, անդրադառնալով ՀՀ առաջին նախագահ Լեւոն Տեր-Պետրոսյանի եւ Սերժ Սարգսյանի հանդիպմանն, ասաց, որ այսօր հայրենիքը վտանգված է։ Այսօր, ըստ նրա, մեր երկիրը կանգնած է բոլորովին այլ մարտահրավերների առջեւ, քան՝ Մարտի 1-ին։ Այսօրվա պատերազմական վիճակն, ըստ նրա, համեմատելի չէ։
«Երբ հայրենիքը վտանգված է, այդ դեպքում չպետք է նայել, թե ով առաջինը զանգեց կամ ում տանը հանդիպեցին»,- ասաց Գուրգեն Եղիազարյանը։ Նա հիշեցնում է, որ Լեւոն Տեր-Պետրոսյանը հսկայական դեր է խաղացել Սերժ Սարգսյանի առաջխաղացման հարցում, նրա կենսագրության մեջ։
Հիշեցնենք, որ մեկ տարի առաջ, հայոց ցեղասպանության 100-ամյա տարելիցի առթիվ Լեւոն Տեր-Պետրոսյանը դիմել էր, նամակ էր գրել Սերժ Սարգսյանին՝ հանդիպելու նպատակով, սակայն Սերժ Սարգսյանը մերժել էր այդ առաջարկը։
Կարծիքներ