Լյավ էլի՜, կռեվ չանեք, հետո կհըսկանաք մետրի ու կիլոմետրի տարբերությունը վերնա ...
Տարիներ առաջ էր: Ականատես էի հարս- կեսուր «կռվի»: Կեսուրը մոտ իննսունին մոտ կին էր, բայց ինչպես մեր քաղցր բարբառով են ասում՝ «դըռի» / ժիր/ էր: Կեսուրը տարիքային առումով «ոտ էր գցում հարսի հետ», ով կլիներ մոտ 65 տարեկան:
- Ես քո թայն եմ, ասում էր:
Հենց այդ խոսքը բավական էր, որ հարսը հունից դուրս գար, ինչ կար- չկար ավերեր.
- Ա՜յ քյաֆթառ ջադու, ես երեխուդ թայն եմ,- ամոթ չես անու՞մ...
Կեսուր- մայրիկն էլ հոգեհան հանգստությամբ վրա էր բերում.
- Մի հինգ տարի տես- տեն, ի՞նչ ա փոխվում:
Ու անընդհատ դրա շուրջ՝ պատերազմ:
Ես էլ իբրև ներկա փորձագետ, փաստացիորեն խոսում էի.
- Լյավ էլի՜, կռեվ չանեք, մի հենգ տարի հետո կհըսկանաք տարբերությունը վերնա է:
Վերջը հինգ տարվա մեջ կեսուրը մեռավ ու էլ տարբերության մասին խոսք չեղավ:
Հիմա մեր քաղաքական այսօրվա վիճակը շատ նման է կեսուր- հարս կռվի:
Ժիրոն ասում է.
- Կիլոմետրեր են վերցրել կամ ինչու՞ միայն Ժիրոն,- վերցնողն էլ գիտի, տվողն էլ:
Մյուս կողմը պնդում է.
- Մետրեր են վերցրել...,- անգամ դաշնակցականներից մեկն ասաց՝ մի թիզ այս կողմ, մի թիզ այն կողմ, չի խանգարի:
Տարբերությունը ո՞րն է...
Հիմա նորից ուզում եմ խոսքս կրկնել.
- Լյավ էլի՜, կռեվ չանեք, հետո կհըսկանաք մետրի ու կիլոմետրի տարբերությունը վերնա է...
Վեր արդեն ինիլ չենք:
ՀԳ Բայց դե հողն էլ տարիք չի, վերցրել են, էլի մտածենք՝ ետ բերելու մասին, ոչ թե թաքցնենք, արդարանանք...
Հասմիկ Բաբաջանյան
Կարծիքներ