Էրդողանը ժամանեց Պետերբուրգ (թարմացված)
![Էրդողանը ժամանեց Պետերբուրգ (թարմացված)](https://hraparak.am/uploads/images/2bfd6d872d3cb15c5da9d904812f1659.jpg)
Ինչպես հաղորդում է ՌԻԱ Նովոստի գործակալությունը, Թուրքիայի նախագահ Ռ. Թ. Էրդողանը ժամանեց ՌԴ հյուսիսային մայրաքաղաք նախագահ Վ. Պուտինի հետ հանդիպելու համար: Նշենք, որ ռուս-թուրքական առճակատումից եւ դրա լիցքաթափումից հետո սա երկու նախագահների առաջին դեմ առ դեմ հանդիպումն է: Հանդիպումը կկայանա Կոնստանտինովյան պալատի հունական հյուրասրահում, ապա արդեն երկու նախագահները համատեղ ասուլիսով հանդես կգան Մարմարե դահլիճում: Կքննարկվեն «Աքույուի» ատոմակայանի եւ «Թուրքական հոսքի» վերագործարկման հարցերը:
***
Նշենք նաև, որ Պետերբուրգ ժամանած Թուրքիայի նախագահ Ռ Թ Էրդողանի շքախմբի կազմում էր Թուրքիայի Ազգային հետախուզական ծառայության ղեկավար Հական Ֆիդանը: Այս մասին հայտնում է Haber 7-ը եւ մանրամասնում, որ Անկարայում վերջինիս միայն վերջին պահին են ներառել նախագահի շքախմբի մեջ, ինչը բազամթիվ հարցականների տեղիք է տվել:
Կարծիքներ