Մեր մեծամասնությունը սպասում է իր հողերը վաճառելուն. հալեպահայ գործարար
![Մեր մեծամասնությունը սպասում է իր հողերը վաճառելուն. հալեպահայ գործարար](https://hraparak.am/uploads/images/9ccad76c16f9f2fa35d64fe078d88f7e.jpg)
“Արեւելքի” անդրադարձը Հալեպի ներկայիս իրականությանը
Աւելի մոտիկից ծանոթանալու եւ պարզելու համար, թե Հալեպում այս օրերին ինչ ընդհանուր մթնոլորտ եւ վիճակ է տիրում, «Արեւելքը» զրուցել է հալեպահայ մի գործարարի հետ, ով հասկանալի պատճառներով չի ցանկացել ներկայանալ:
«Մենք բոլորս մեղավոր ենք, որ չկարողացանք պահել Հալեպի հայկական համայնքը: Գաղտնիք բացահայտած չեմ լինի եթե ասեմ, որ հալեպահայությունն էլ իրատես չգտնվեց: Այնպիսի վիճակ է, որ մնացողները մեկ ցանկություն ունեն` ամեն բան թողնել ու հեռանալ: Հիմա մենք սպասում ենք, որ գոնե ռազմական գործողությունները ավարտվեն, կարողանանք մեր հողերը վաճառել եւ այլ տեղ տեղատեղափոխվել` սկզբնական փուլում այդ գումարներով ապրելով, մինչ ոտքի կկանգնենք»,- ասել է հալեպահայ գործարարը:
Վերջինս մեծ հույսեր չունի խաղաղության վերականգնման հետ կապված եւ գտնում է, որ Սիրիայի եւ Հալեպի պատերազմը երկար պատերազմ է եւ խաղաղությունը շուտ չի հաստատվի:
«Արեւելքի» զրուցակիցը նաեւ ներկայացրել է Հալեպից հայության արտագաղթի հիմնական ուղիները ցամաքային ճանապարհով եւ վերջին մարտական գործողությունների պատկերը ռազմական ուսումնարանների թաղամասում:
Նշենք, որ ըստ նույն աղբյուրի, Հալեպում տակավին չկա մշտական էլեկտրականություն, առկա է վառելիքի սղություն, նաեւ մշտական ջրամատակարարում:
Կարծիքներ