ՌԴ-ն պարտվում է պատերազմում և դառնում Չինաստանի վասալը․ Մակրոն
![ՌԴ-ն պարտվում է պատերազմում և դառնում Չինաստանի վասալը․ Մակրոն](https://hraparak.am/uploads/images/2023/05/image_750x_6461c2331dcc5.jpg)
Ռուսաստանն աշխարհաքաղաքական առումով արդեն պարտվել է Ուկրաինայի դեմ պատերազմում և այժմ վերածվում է Չինաստանի վասալ պետության։
Այդ մասին L'Opinion թերթին տված հարցազրույցում ասել է Ֆրանսիայի նախագահ Էմանուել Մակրոնը։
Մակրոնի խոսքով, Ռուսաստանը փաստացի մտել է Չինաստանի ենթակայության տակ, ինչպես նաև կորցրել է իր կարևոր ազատությունը Բալթիկ ծովում, քանի որ Կրեմլի գործողությունները ստիպել են Շվեդիային և Ֆինլանդիային որոշել անդամակցել ՆԱՏՕ-ին։
«Երկու տարի առաջ սա աներևակայելի էր, բայց այսօր դա արդեն աշխարհաքաղաքական պարտություն է»,- ասել է նա։
Ֆրանսիայի ղեկավարն ընդգծել է, որ Ռուսաստանը չպետք է հաղթի այս պատերազմում ռազմական հարթությունում, և որ Եվրոպան պետք է օգնի ուկրաինացիներին թե՛ հակահարձակման նախապատրաստման, թե՛ «անխուսափելի բանակցություններում անվտանգության երաշխիքների հարցը նախապատրաստելու հարցում»։
«Եվրոպական անվտանգության ճարտարապետությունը պետք է ամբողջությամբ տարածվի Ուկրաինայի վրա։ Այն պետք է ներառի նաև Ռուսաստանի հետ առճակատման բացակայությունը և ուժերի կայուն հավասարակշռության վերականգնումը։ Բայց սա դեռ շատ հեռու է»,- ասել է Մակրոնը։
Կարծիքներ