ՌԴ-ում գտնվող թուրքերը նախընտրել են Քըլըչդարօղլուին
![ՌԴ-ում գտնվող թուրքերը նախընտրել են Քըլըչդարօղլուին](https://hraparak.am/uploads/images/2023/05/image_750x_6461bdd236a34.jpg)
Թուրքիայի նախագահական ընտրությունների շրջանակում Ռուսաստանի Դաշնության տարածքում տեղակայված ընտրատեղամասերում քվեարկած թուրք ընտրողների կեսից ավելին (54,47%) աջակցել է ընդդիմության միասնական թեկնածու Քեմալ Քըլըչդարօղլուին։ Այս մասին գրում է Anadolu գործակալությունը՝ հղում անելով հանրապետության ԿԸՀ տվյալներին։
Գործող նախագահ Թայիփ Էրդողանը ստացել է Ռուսաստանում գտնվող (կամ ապրող) թուրք ընտրողների ձայների 38,26%-ը, իսկ ATA դաշինքի թեկնածու Սինան Օհանը՝ 4,24%-ը։
Քաղաքական գործիչ Մուհարեմ Ինջեն, ով հանել է իր թեկնածությունը, ստացել է ձայների 3,03%-ը։
Ինչպես պարզաբանել է Թուրքիայի ԿԸՀ-ն, նրա օգտին տրված ձայները դեռ վավեր են համարվում։
Կարծիքներ