Վերադարձի իրավունքը նրանն է, ով Արցախն իր հայրենիքն է համարում
![Վերադարձի իրավունքը նրանն է, ով Արցախն իր հայրենիքն է համարում](https://hraparak.am/uploads/images/2023/11/image_750x_65606ffc02d98.jpg)
«Արցախ վերադարձի իրավունքն ազգային իրավունք է, ազգը պետք է գնա, այնտեղ ապրի, ոչ թե որևէ մեկը որպես անհատ: Քաղաքացիության իրավունքը բոլորինն է։ Բոլորս պետք է այդ իրավունքը պաշտպանենք։ Վերադարձի իրավունքն այն մարդունն է, ով Արցախն իր հայրենիքն է համարում։ Ներկա հաղորդակցման միջոցները հնարավորություն են տալիս ստեղծել Արցախի վիրտուալ հանրություն, չմոռանալով հիմնական հարցը՝ ազգային ազատագրական պայքարը»: Այս մասին «Այլընտրանքային նախագծեր» խմբի «Արցախ. ընթացիկ հարցեր և հեռանկարներ» թեմայով հրավիրած քննարկմանն իր ելույթում ասել է «Ապառաժի» խմբագիր Արա Պուլուզյանը։
«Հայաստանի առաջին, երրորդ Հանրապետության ստեղծման ֆունդամենտալ հիմքը ազգային ազատագրական պայքարն է։ Երբ մենք հրաժարվում են այդ գաղափարախոսությունից կամ այդ գաղափարախոսությունը հակասում է պետական շահերին, խախտվում է մեր հայկական պետության, հայկական մտածողության կերտվածքը»,- պնդել է նա։
Կարծիքներ