Լրագրային շանսոն
ԳԱԶԱՅԻՆ ՀԱՐՑՈՒՊԱՏԱՍԽԱՆ ԱԺ-ՈՒՄ
Պատգամավոր` Ձեր տունը որտե՞ղ է:
Նախարար` կամրջի դիմաց:
Պատգամավոր` կամո՞ւրջը որտեղ է:
Նախարար` մեր տան դիմաց…
Պատգամավոր` դուք հանցագործ եք:
Նախարար` կամրջի դիմաց…
Պատգամավոր` ձեզ պետք է դատի տալ:
Նախարար` մեր տան դիմաց…
ՍՈՒՏԻ ԹԵՐԹ
Թունդ իշխանատու մի թերթ ընդդիմության մասին միշտ գրում է` «սուտի ընդդիմություն»: Երանի իշխանությունից մեկը սրանց գլխի գցեր, որ «սուտի ընդդիմություն» կարող է ունենալ միայն սուտի իշխանությունը:
«ՖՈՐՄԱՏ» ԿԼՈՒԲ
Հայաստանում ակումբային շարժումը լայն թափ է ստանում: Զանազան հանդիպումներ, քննարկումներ, երեկոներ: Ամեն ակումբ, սակայն, ինչպես ասում են, իր բուրմունքն ունի: ԱԺ ոչ իշխանական չորս ուժերի ակումբում արդեն ֆիլմեր էլ են ցուցադրվում: Ռուսական հայտնի «Երեք գումարած երկու» ֆիլմը, սակայն, քաղաքական մոմենտի թելադրանքով եւ ԲՀԿ-ի խնդրանքով ցուցադրվել է 3+1 ֆորմատով:
ՌԵՓ` ՄԱՄԼՈ ՀԱՂՈՐԴԱԳՐՈՒԹՅԱՆ ՏԵՍՔՈՎ
Ազգ իմ, ականջ արա,
սա շարքային լուր չի`
Նախագահդ երեկ
ժամանել է Սոչի:
Ինքը` սիրուն տղա,
իսկ քաղաքը` Սոչի:
Ամեն մի անկյունում
մի շիկահեր պոչիկ:
Ինչպես ռուսը կասեր`
Սոչի` նա տրի նոչի,
Ծառուկյանը հետն է,
հուսանք, որ չի կորչի:
ՈՐԴՅԱԿ ԻՄ
ՀՀ ԱԺ պատգամավորներ, հայտնի ՀՀԿ-ականներ Շարմազանովն ու Ավագյանը եւ Երեւանի քաղաքապետ Տարոն Մարգարյանը ծառայել են ՀՀ զինված ուժերում եւ հասել «գնդի որդի» աստիճանի:
Կարծիքներ