Ադրբեջանում հիստերիա է սկսվել ԵԱՀԿ Մինսկի խմբի համանախագահների հայտարարության կապակցությամբ
![Ադրբեջանում հիստերիա է սկսվել ԵԱՀԿ Մինսկի խմբի համանախագահների հայտարարության կապակցությամբ](https://hraparak.am/uploads/images/7901bbfb779e12e36e662683c2e9d4e6.jpg)
ԵԱՀԿ Մինսկի խմբի համանախագահների հայտարարությունը, որ հայկական ուղղաթիռն ընկել է չեզոք տարածքում, Ադրբեջանում հիստերիկ նոպա է առաջացրել: Ավելի վաղ լկտի եւ անհեռատես հայտարարությամբ հանդես էր եկել պաշտպանության նախարարությունը, իսկ արտգործնախարարությունն էլ որոշել է հետ չմնալ եւ հետեւել ՊՆ-ի օրինակին:
«ԵԱՀԿ Մինսկի խմբի համանախագահների՝ նոյեմբերի 19-ի հայտարարության մեջ հնչած «չեզոք տարածք» արտահայտության օգտագործումը անընդունելի է», - «ԱՊԱ» գործակալությանը հայտարարարել է ԱԳՆ-ի մամուլի քարտուղար Հիմքեթ Գաջիեւը: «Հայաստանի զինված ուժերին պատկանող ռազմական ուղղաթիռը ոչնչացվել է Հայաստանի կողմից օկուպացված Ադրբեջանի Հանրապետության Աղդամի շրջանի տարածքում»:
Բնականաբար, Ադրբեջանում ոչ ոք, այդ թվում և Հիքմեթ Գաջիևը չի կարող բացատրել, թե ՄԱԿ-ի բանաձևերը անգիր արտասանող երկիրը ինչու հետևողական չէ միջազգայնորեն ընդունած իր պարրականություններկատարման հարցում և ինչու է խախտում հրադադարն ու կրակ բացում ուսումնական թռիչք իրականացնող ուղղաթիռի վրա:
Ինչպես ասում են՝ բռնվել են գողոնով հանդերձ, իսկ հավարը գցում են ՄԱԿ-ի բանաձևին:
Կարծիքներ