Ռուսաստանը 49 ավիահարված է հասցրել ԻՊ-ի օբյեկտներին
hraparak
17 Հոկտեմբեր 2015 | 19:03
0
Ռուսաստանի ռազմաօդային ուժերի ինքնաթիռները 39 ռազմական թռիչք են իրականացրել, 49 հարված հասցրել Սիրիայում «Իսլամական պետության» օբյեկտներին: Ոչնչացվել են նաև 15 ճամբարներ, 8 ամրացված շրջաններ..
«ՌԻԱ Նովոստի»-ի փոխանցմամբ` Ռուսաստանի ՊՆ-ից հայտարարել են, որ այդ հարվածներով շարքից հանվել են Սիրիայում ահաբեկիչների ենթակառուցվածքները` ինքնաշեն սպառազինությունների արտադրությունները, կրակային դիրքերը, պահեստները և այլն:
Ոչնչացվել են նաև 15 ճամբարներ, 8 ամրացված շրջաններ, սպառազինությունների 9 պահեստներ:
Օդային հարվածների թիրախ են դարձել ահաբեկիչները Սիրիայի Համայի, Իդլիբի, Լաթաքիայի, Դամասկոսի, Հալեպի նահանգներում:
Ռուսաստանի պաշտպանական գերատեսչությունից հայտնել են նաև, որ անօդաչու թռչող սարքերը շարունակում են դիտարկումներ անցկացնել Սիրիայի օդային տարածքից:
Կարծիքներ