«Սուրբ Գրիգոր Լուսավորիչ» ԲԿ-ում ծննդկան է մահացել
![«Սուրբ Գրիգոր Լուսավորիչ» ԲԿ-ում ծննդկան է մահացել](https://hraparak.am/uploads/images/771d2c52d6e9fc834986fb00f1e9b7eb.jpg)
Երեկ ուշ երեկոյան «Սուրբ Գրիգոր Լուսավորիչ» ԲԿ-ում ծննդկան է մահացել: Այդ մասին իր ֆեյսբուքյան էջում տեղեկացրել է ԱՆ հասարակության հետ կապերի պատասխանատու Անահիտ Հայթայանը:
«Տեղեկացնում եմ, որ «Սուրբ Գրիգոր Լուսավորիչ» բժշկական կենտրոնում այսօր մահացած ծննդկանի մոտ լաբորատոր հետազոտությամբ գրիպի Ա տեսակի H1N1 չի հայտնաբերվել։ 28 շաբաթական հղիության ժամանակ կեսարյան հատմամբ ծննդալուծված կնոջ վիճակը տևական ժամանակ ծայրահեղ ծանր էր։
Երեկ տեղեկացրել էինք, որ 81 հիվանդ բուժում է ստանում վերակենդանացման բաժանմունքներում, իսկ 14-ի միացված է արհեստական շնչառության սարք։ Եվ այս փաստը բնավ չի նշանակում, թե նախարարությունն անհրաժեշտ աշխատանքներ չի տանում»,- գրել է Հայթայանը:
Կարծիքներ