Հայտնի հաղորդավարին մեղադրում են սեքսուալ ոտնձգությունների մեջ
![Հայտնի հաղորդավարին մեղադրում են սեքսուալ ոտնձգությունների մեջ](https://hraparak.am/uploads/images/image_750x_5c0433ba12f15.jpg)
Fox եւ National Geographic հեռուստաընկերությունները սկսել են հետաքննություն այն բանից հետո, երբ սեքսուալ ոտնձգությունների հետ կապված մեղադրանքներ են առաջադրվել աստղաֆիզիկոս Նիլ Դեգրաս Թայսոնի հանդեպ, որը վարում է «Տիեզերք» հաղորդաշարը։
Ոտնձգությունների եւ բռնության մասին հոդվածը հրապարակվել է նոյեմբերի 29-ին Patheos կայքում։ Թայսոնի նախկին ասիստենտուհի Էշտլի Ուոտսոնը հայտարարել է, որ ստիպված է եղել ազատվել աշխատանքից այն պատճառով, որ մշտապես իր անմիջական ղեկավարի կողմից սեքսուալ հետապնդման է ենթարկվել, իսկ Բաքնելի համալսարանի պրոֆեսոր Քեյթլին Ալերսն էլ պատմել է, որ Թայսոնը անվայելուչ պահվածք է ունեցել իր հանդեպ մի երեկույթի ժամանակ 2009 թվականին։
Նույն կայքը մեկ տարի առաջ էլ հայտարարել էր, որ պրոֆեսոր Թայսոնը բռնաբարել է երաժիշտ Թչիյա Ամետին, ով նրա հետ միասին է ուսանել։ Երկու հեռուստաընկերությունները հայտարարել են ի պատասխան, որ անկախ այն հանգամանքից, թե ուր կտանեն ապացույցները, միեւնույնն է, իրենք հավատում են միայն ապացույցներին։
Կարծիքներ