Կորոնավիրուսի հետ կապված հետաքրքիր խրոնոլոգիա
![Կորոնավիրուսի հետ կապված հետաքրքիր խրոնոլոգիա](https://hraparak.am/uploads/images/image_750x_5e6f565c90ba5.jpg)
ԱԺ «Իմ քայլը» խմբակցության ղեկավար Լիլիթ Մակունցը գրել է․
«Կորոնավիրուսի հետ կապված հետաքրքիր խրոնոլոգիա.
Փետ. 24 Փակվեց Հայաստանի սահմանը Իրանի հետ՝ բացառությամբ բեռնափոխադրումների և քաղաքացիների վերադարձի համար: Հետագայում սահմանը փակվեց ամբողջությամբ: Միաժամանակ ժամանակավոր դադարեցվեց Չինաստանի հետ վիզայի ռեժիմը: Սկսեցին ձեռնարկվել արտակարգ միջոցառումներ:
Մարտ 1 Հայաստանում հայտնաբերվեց մեկ դեպք: ՀՀ քաղաքացին վերադարձել էր հայրենիք Իրանից: Ծաղկաձորում մեկուսացվեցին շփված բոլոր անձինք:
Մարտ 2 Հայաստանում դպրոցները փակվեցին մեկ շաբաթով:
Մարտ 10 Իտալիայում հայտարարվեց ամբողջական կարանտին:
Մարտ 11 Հայաստանում գրանցվեց 3 նոր դեպք Իտալիայից ժամանած անձանց շրջանակում:
Մարտ 11 Առողջապահության համաշխարհային կազմակերպությունը հայտարարեց ՊԱՆԴԵՄԻԱ:
Մարտ 12 Հայտնաբերվեց Էջմիածնի դեպքը: Կտրույ միջոցառումներ սկսեցին ձեռնարկվել:
Մարտ 12 Մանկապարտեզները, դպրոցները, բուհերը փակվեցին Հայաստանում:
Մարտ 12 Դադարեցվեց քարոզարշավը, վարչապետը վերադարձավ արձակուրդից, պետական կառավարման ողջ համակարգն անցավ արտակարգ ռեժիմի:
Մարտ 13 Չեխիան հայտարարեց կարանտին: Գերմանիայի և Ավստրիայի հետ սահմաններին հսկողություն է սահմանվել, 15 երկրների քաղաքացիների մուտքը արգելված է:
Մարտ 14 Փակվեց Վրաստանի հետ սահմանը՝ բացառությամբ բեռնափոխադրումների:
Փակվեցին թատրոնները, գրադարանները եւ այլ մշակութային օջախներ, արգելվեցին բոլոր հանրային միջոցառումները:
Լրացուցիչ տեղեկություն. օրական օդային և ցամաքային ճանապարհով մուտքը Հայաստան կազմում է միջինում 3000 անձ: Այսինքն՝ 2 շաբաթվա կտրվածքով այդ թիվը կազմում է շուրջ 42.000-45.000 մարդ: Այս պատճառով է, որ կառավարությունը առաջնահերթ ինքնամեկուսացման հորդոր է հնչեցրել»:
Կարծիքներ