Ուզում են լինել ու դեռ շատանալ
ՀՀ ոստիկանության 2011 թվականի բյուջեի ծրագիրը ԱԺ համապատասխան հանձնաժողովին ներկայացնելիս, ոստիկանության պետի տեղակալ Հովհաննես Հունանյանը երեկ հայտարարեց, որ ոստիկանության գործունեությունն ապահովելու նպատակով անհրաժեշտ է 24 միլիարդ 606 միլիոն դրամ, ինչը 1միլիարդ 40 միլիոն դրամով ավելի է, քան այս տարի: Այդ գումարի առյուծի բաժինը հատկացվելու է հասարակական կարգի պահպանման ծրագրերին՝ 23 միլիարդ 605 միլիոն դրամ: Այդ նպատակով ոստիկանությունը համալրելու է պայմանագրային զինծառայողների թվաքանակը եւ բարձրացնելու է նրանց աշխատավարձը:
Լրացուցիչ 502 միլիոն դրամ էլ պետք է լինելու քաղծառայողների կամ ժողովրդի լեզվով՝ ստուկաչների թվաքանակը շատացնելու համար: Գալիք տարի արդեն, հասարակության գրպանի հաշվին «հասարակական կարգ պահպանող» ոստիկանների թվաքանակը 1016-ից հասցվելու է 1.881-ի, 87 հազար դրամ միջին աշխատավարձով: Այդ նպատակը կյանքի կոչելու համար էլ ոստիկանությանը անհրաժեշտ է լինելու եւս 903 միլիոն դրամ:
Իսկ ահա նրանց կրթելու համար համակարգը նախատեսել է ընդամենը 517 միլիոն դրամ: Սա կարելի է համարել խելացի հաշվարկ, որովհետեւ ով Երեւանի փողոցներում «հասարակական կարգ պահպանող» ոստիկան է տեսել, դժվար հավատա, որ նրանց հնարավոր է կրթել: Ուստի բնական է, որ հասկացել են, որ չարժի էլ լրացուցիչ գումարներ վատնել այդ ուղղությամբ: Իսկ ահա պետավտոհամարանիշների ձեռքբերման համար նախատեսել են 236,2 միլիոն դրամ: Պարոն Հունանյանը հայտարարեց, որ մեկ ավտոհամարանիշն իրենք ձեռք են բերում 3.550 դրամով ու գալիք տարի նախատեսել են ձեռք բերել 66 հազար զույգ:
Նկատենք, որ «գոլդ» համարանիշները ոստիկանության բյուջեում առանձին տողով նախատեսված չեն, այսինքն՝ արժեն նույնքան, որքան մնացածները՝ 3.550 դրամ ու հիշեցնենք, որ հայրենի ոստիկանությունը դրանք վաճառում է միլիոնավոր դրամներով: Այդ տրամաբանությամբ ազգընտիրները կարող էին նաեւ կրճատել ոստիկանության բյուջեն ու թողնել միայն ավտոհամարանիշների համար նախատեսված տողը, առանց կասկածելու, որ դրանց վաճառքից ոստիկանությունը կարող է լրացնել ամբողջ բյուջեն:
Լրացուցիչ 502 միլիոն դրամ էլ պետք է լինելու քաղծառայողների կամ ժողովրդի լեզվով՝ ստուկաչների թվաքանակը շատացնելու համար: Գալիք տարի արդեն, հասարակության գրպանի հաշվին «հասարակական կարգ պահպանող» ոստիկանների թվաքանակը 1016-ից հասցվելու է 1.881-ի, 87 հազար դրամ միջին աշխատավարձով: Այդ նպատակը կյանքի կոչելու համար էլ ոստիկանությանը անհրաժեշտ է լինելու եւս 903 միլիոն դրամ:
Իսկ ահա նրանց կրթելու համար համակարգը նախատեսել է ընդամենը 517 միլիոն դրամ: Սա կարելի է համարել խելացի հաշվարկ, որովհետեւ ով Երեւանի փողոցներում «հասարակական կարգ պահպանող» ոստիկան է տեսել, դժվար հավատա, որ նրանց հնարավոր է կրթել: Ուստի բնական է, որ հասկացել են, որ չարժի էլ լրացուցիչ գումարներ վատնել այդ ուղղությամբ: Իսկ ահա պետավտոհամարանիշների ձեռքբերման համար նախատեսել են 236,2 միլիոն դրամ: Պարոն Հունանյանը հայտարարեց, որ մեկ ավտոհամարանիշն իրենք ձեռք են բերում 3.550 դրամով ու գալիք տարի նախատեսել են ձեռք բերել 66 հազար զույգ:
Նկատենք, որ «գոլդ» համարանիշները ոստիկանության բյուջեում առանձին տողով նախատեսված չեն, այսինքն՝ արժեն նույնքան, որքան մնացածները՝ 3.550 դրամ ու հիշեցնենք, որ հայրենի ոստիկանությունը դրանք վաճառում է միլիոնավոր դրամներով: Այդ տրամաբանությամբ ազգընտիրները կարող էին նաեւ կրճատել ոստիկանության բյուջեն ու թողնել միայն ավտոհամարանիշների համար նախատեսված տողը, առանց կասկածելու, որ դրանց վաճառքից ոստիկանությունը կարող է լրացնել ամբողջ բյուջեն:
Կարծիքներ