Մադրիդի կենտրոնում աղբից հյուրանոց է կառուցվել

hraparak 21 Հունվար 2011 | 11:43 0

Այդ յուրահատուկ շենքի կառուցման համար ծախսվել է 12 տոննա աղբ, որը հավաքվել է եվրոպական ծովափերից: Հյուրանոցի այցելուներից գումար չի գանձվել: Բոլորը այցելուները համացանցի միջոցով հնարավորություն են ստացել գիշերել այնտեղ: Համարձակներին սպասվում է անմոռանալի, սակայն հնարավոր է ոչ հաճելի զգացողություն. հյուրանոցը զրկված է հարմարավետություններից՝ այստեղ չկա ջեռուցում, ցնցուղ, տաս հոգու համար աշխատում է մեկ բիոզուգարան եւ մեկ սառնարան:

Համարներում դրված է լողափերից հավաքված կահույք: Պատերին կոտրված հայելիներ են, հատակին՝ ճղճղված գորգեր: Պատերին աղբի լուսանկարներով «պաստառներ են»: Նախագծի հեղինակն է գերմանացի նկարիչ-կոնցեպտուալիստ Հանս Շուլտը: