Ժամանակակից գրականությունն արժեւորման կարիք ունի
Համազգային հայ կրթական եւ մշակութային հիմնադրամի նախագահ Լիլիթ Գալստյանի նախաձեռնությամբ Երեւանի պետական համալսարանում եւ ապա Ծաղկաձորի Հայաստանի գրողների միության տանը ապրիլի 5-6-ն անցկացվեց գիտաժողով՝ նվիրված ժամանակակից հայ արձակի հիմնախնդիրներին: Գիտաժողովին հրավիրված էին Հայաստանի, Արցախի եւ Սփյուռքի գիտնականներ, բանասերներ: Գիտաժողովի կազմկոմիտեի մեջ էին նաեւ Հայաստանի գրողների միությունը, ԳԱԱ գրականության ինստիտուտը:
Լիլիթ Գալստյանը նշեց, որ այս` 6-րդ գիտաժողովը շատ կարեւոր էր եւ թիրախային: Ժամանակակից գրականության, մասնավորապես արձակի փուլերին, նրա կողմից առաջադրված խնդիրներին իրապես անհրաժեշտ է լուրջ, գիտական մոտեցում, եւ գիտաժողովի ընթացքում հնչած 22 զեկուցումները նվիրված էին հենց այդ գործառույթներին: Համազգային հայ կրթական եւ մշակութային հիմնադրամը, կազմակերպելով այս գիտաժողովը, նպատակ ունի խթանել ժամանակակից գրականության զարգացումը եւ դրա վրա բեւեռել ակադեմիական միտքը:
Լիլիթ Գալստյանն ավելացրեց նաեւ, որ հայ ժամանակակից գրականությունը վերլուծության, արժեւորման կարիք ունի, հոգեւոր լուսանցքում հայտնվելու վտանգն այսօր զգալի է, եւ դաշտն ընդլայնելու, դաշտին տարածություն ու հնարավորություն տրամադրելու խնդիրը կա: Եվ, իհարկե, մեկ գիտաժողովի ընթացքում անհնար է սպառել բոլոր հիմնախնդիրները, պիտի շարունակել, օրինակ, առանձին գիտաժողով նվիրել ժամանակակից գրականության մեջ գրական լեզվի առկայությանն ու խնդիրներին: Ի վերջո, այս ամենն ուղղված է նաեւ մեր հասարակությանը, որը նույնպես պիտի սովորի ընկալել ժամանակակից գրականությունը: Զեկուցումներ կարդացին գրականագետներ Դավիթ Գասպարյանը, Յակոբ Պալեանը, Վահրամ Դանիելյանը, Սուրեն Դանիելյանը, Արքմենիկ Նիկողոսյանը, Ժենյա Քալանթարյանը եւ ուրիշներ: Բոլոր 22 զեկուցումները կամփոփվեն մեկտեղ եւ ընթերցողին կներկայանան գրքով:
Լիլիթ Գալստյանը նշեց, որ այս` 6-րդ գիտաժողովը շատ կարեւոր էր եւ թիրախային: Ժամանակակից գրականության, մասնավորապես արձակի փուլերին, նրա կողմից առաջադրված խնդիրներին իրապես անհրաժեշտ է լուրջ, գիտական մոտեցում, եւ գիտաժողովի ընթացքում հնչած 22 զեկուցումները նվիրված էին հենց այդ գործառույթներին: Համազգային հայ կրթական եւ մշակութային հիմնադրամը, կազմակերպելով այս գիտաժողովը, նպատակ ունի խթանել ժամանակակից գրականության զարգացումը եւ դրա վրա բեւեռել ակադեմիական միտքը:
Լիլիթ Գալստյանն ավելացրեց նաեւ, որ հայ ժամանակակից գրականությունը վերլուծության, արժեւորման կարիք ունի, հոգեւոր լուսանցքում հայտնվելու վտանգն այսօր զգալի է, եւ դաշտն ընդլայնելու, դաշտին տարածություն ու հնարավորություն տրամադրելու խնդիրը կա: Եվ, իհարկե, մեկ գիտաժողովի ընթացքում անհնար է սպառել բոլոր հիմնախնդիրները, պիտի շարունակել, օրինակ, առանձին գիտաժողով նվիրել ժամանակակից գրականության մեջ գրական լեզվի առկայությանն ու խնդիրներին: Ի վերջո, այս ամենն ուղղված է նաեւ մեր հասարակությանը, որը նույնպես պիտի սովորի ընկալել ժամանակակից գրականությունը: Զեկուցումներ կարդացին գրականագետներ Դավիթ Գասպարյանը, Յակոբ Պալեանը, Վահրամ Դանիելյանը, Սուրեն Դանիելյանը, Արքմենիկ Նիկողոսյանը, Ժենյա Քալանթարյանը եւ ուրիշներ: Բոլոր 22 զեկուցումները կամփոփվեն մեկտեղ եւ ընթերցողին կներկայանան գրքով:
Կարծիքներ