Աբրահամյանը և Ղարիբաշվիլին վաղը հայտարարությամբ հանդես կգան
hraparak
20 Օգոստոս 2014 | 14:33
0
Վարչապետ Հովիկ Աբրահամյանի հրավերով օգոստոսի 21-22-ը պաշտոնական այցով Հայաստան կժամանի Վրաստանի վարչապետ Իրակլի Ղարիբաշվիլին, ասված է Հայաստանի կառավարության տեղեկատվության և հասարակայնության հետ կապերի վարչության այսօր տարածած պաշտոնական հաղորդագրությունում:
Այցի շրջանակում նախատեսված են Վրաստանի վարչապետի հանդիպումները Հայաստանի նախագահ Սերժ Սարգսյանի, Ազգային ժողովի նախագահ Գալուստ Սահակյանի, վարչապետ Հովիկ Աբրահամյանի և բարձրաստիճան այլ պաշտոնյաների հետ։
Հայաստանի և Վրաստանի կառավարությունների ղեկավարների առանձնազրույցին կհետևի ընդլայնված կազմով հանդիպումը:
Իրակլի Ղարիբաշվիլին կայցելի Ծիծեռնակաբերդ՝ հարգանքի տուրք մատուցելու Հայոց ցեղասպանության զոհերի հիշատակին, կլինի նաև Մատենադարանում:
Վաղը Կառավարության մամուլի կենտրոնում Հայաստանի և Վրաստանի վարչապետները հանդես կգան հայտարարությամբ:
Կարծիքներ