Կքննարկեն առաջացող հակասությունները

Վրաստանը մտադիր է սեպտեմբերի 1-ից վիզային ռեժիմ մտցել Հայաստանի հետ, ու այս կապակցությամբ Հայաստանը ցանկանում է այս հարցը բարձրացնել Վրաստանի վարչապետի հետ երկու օրից կայանալիք հանդիպման ընթացքում: Այս մասին հաղորդում է «Գրուզիա օնլայն» ինտերնետային պարբերականը:

Վրաստանի վարչապետի գրասենյակի փոխանցմամբ՝ Իրակլի Ղարիբաշվիլին օգոստոսի 21-22-ը պաշտոնական այցով կլինի Հայաստանում: Նախատեսված են հանդիպումներ Հայաստանի նախագահ Սերժ Սարգսյանի և վարչապետ Հովիկ Աբրահամյանի հետ:

Ըստ վրացական լրատվամիջոցի՝ հանդիպումների ընթացքում քննարկվելու են տնտեսական ու քաղաքական հարցեր: Հատուկ ուշադրություն է դարձվելու այն իրավիճակին, որը ստեղծվել է, մի կողմից, Եվրամիության և Վրաստանի միջև ասոցացման համաձայնագիրը ստորագրելուց հետո, երբ, մյուս կողմից, Հայաստանը գնում է դեպի Մաքսային միություն:

Կողմերը մտադիր են քննարկել առաջացող հակասությունները և համագործակցության փոխընդունելի ձևաչափեր գտնել, հաղորդում է «Գրուզիա օնլայն»-ը, ընդգծելով՝ բացի այդ, Երևանը պլանավորում է բարձրացնել սեպտեմբերի 1-ից Հայաստանի հետ վիզային ռեժիմ մտցնելու Թբիլիսիի մտադրության հարցը:

Թեմային անդրադարձել է «Ազատությունը»: