Մեկն էլ իրեն Կիևյանից է գցել. չլինի՞ նա էլ H1N1 ուներ…
![Մեկն էլ իրեն Կիևյանից է գցել. չլինի՞ նա էլ H1N1 ուներ…](https://hraparak.am/uploads/images/9d4390b76c158f6c80c30d9eb39dc381.jpg)
Խոզի գրիպ, խոզի՜ գրիպ անցած տարի էր:
Գրիպ ընկա ու վեց ամսից ավել դուրս չէի գալիս: Ինձ գրիպով վարակողին էլ գիտեի ու ամեն օր համարյա զանգում էի նրան.
-Ախչի ո՞նց ես,- առաջընթաց կա՞…
-Սիստեմայի տակ եմ,- ասում էր:
Շուրջ բոլորն այդ վիճակում էին: Մի երկու օր լավանում էին, հետո նորից կրկնվում էր…
Վեց ամիս հետո ինձ վարակողին հանդիպեցի.
-Լավացա՞ր,- մի այնպիսի տոնով հարցրի, որը նշանակում էր՝ ինձ վարակեցիր, դու լավացա՞ր…
Նա էլ թե՝
-Որտեղի՞ց,- քթիս մեջ այնպիսի վերք է բացվել, որ ցավից մեռնում եմ, - անընդհատ քրտնում եմ, գիշերը տաս անգամ շոր եմ փոխում:
Հա՜, դե լավ է,- քրթմնջացի,- ու տեսա, որ նրա աչքերը զարմանքից կլորացան՝ իբր ի՞նչն է լավ:
… Բայց անցած տարի ոչ մեկը չասաց՝ խոզի գրիպ է: Ինչու՞, չեմ հասկանում:
Եթե այս տարվա գրիպը խոզի է, անցած տարվանը պիտի որ պռոգոմեշի գրիպ եղած լիներ:
Էս տարվա գրիպը մի տեսակ ուրիշ ընթացք ունի: Ասում են քացկեղ ունի, բայց մեռավ H1N1-ից, շաքարային դիապեդ ունի, բայց մեռավ H1N1-ից…
Մեկն էլ իրեն Կիևյանից էր գցել. չլինի՞ նա էլ H1N1 ուներ…
Հասմիկ Բաբաջանյան
Կարծիքներ