Ամառային էլեգիա

Տիկինը՝

Դոկտոր,

Բերել էր իր տուն

Երկու ծիտ՝

Մեկը սև՝

Ինչպես իր շորը,

Մյուսը՝ ճերմակ՝

Ինչպես փոռիկը շորի:

Տիկինը՝

Դոկտոր,

Դրեց ծտերին

Սեղանին՝

Փայլուն...

-Նկարիր,

Նկարիր,

Տղա,

Շուտ արա,

Ռեպին ես,

Այվազովսկի,

Թե ինչ,

Պատկերն այս՝ 

Էլեգիա անվանիր...

Ֆեյսբուքըըըս...

Դրեք պատին...

Ես բավարարված եմ,-

Ասաց տիկինը՝

Դոկտոր:

-Ա~աաաայ, այս ինչ է...

Ծրտե~եեեց,-

Ճչաց տիկինը՝

Դոկտոր:

- Բա ծիտ է,

Կծրտի,

Տիկին

Նա հո չգիտի,

Որ քայլում է

Դոկտորի...

Ուսի վրայով

-Ֆո~ւուու,

Տարեք,

Կորցրեք,-

Ասաց տիկինը՝

Դոկտոր,-

Իմ մյուս սեսիային

Չբերեք էլ ծիտ:

Կբերեք կով

Իմ մյուս սեսիային՝

Ինչպես

Գլոբուսը իմ՝

Չալպտուրիկ մի կով,

-Օ~

Դուք հանճարեղ եք,

Տիկին:

Ուրեմն՝ կով՝

Չալպտուրիկ:

Կովը՝

Չալպտուրիկ,

Չի ծրտում...