Հաստատվեց Չարչյանի գործն ուսումնասիրող հանձնաժողովի կազմը
«Հայաստան» խմբակցության պատգամավոր Արմեն Չարչյանի գործով այսօր հրատապ նիստ էր հրավիրվել։ Նիստի ընթացքում գնահատվեց Արմեն Չարչյանի առողջական վիճակն ու հաստատվեց ուսումնասիրող հանձնաժողովի կազմը: Դատավոր Վահե Միսակյանը հայտնեց, որ հանձնաժողովը կունենա 10 անդամ։
Այսօրվա նիստում հաստատվեցին հանձնաժողովի միայն 5 անդամները: Այսպիսով՝ հանձնաժողովի փորձագետներ դարձան թերապևտ Նաիրա Գոգյանը, էնդոկրինոլոգ Քրիստինե Սարգսյանը, սրտաբան Համլետ Հայրապետյանը, սրտաբան Լուսինե Թունյանը, բժիշկ Արշակ Ղազարյանը։ Հանձնաժողովի մյուս անդամները կհաստատվեն հաջորդ դատական նիստի ընթացքում, որը կկայանա վաղը՝ նոյեմբերի 2-ին, ժամը 15.30-ին:
Կարծիքներ