Որտեղի՞ց գիտի Բորելը, որ հարձակվելու ենք Հայաստանի վրա․ Ալիևն էլի զառանցում է

Այսօր երկակի ստանդարտները «սովորական երևույթ» են դարձել մի շարք միջազգային կառույցների, այդ թվում՝ Եվրամիության համար, հայտարարել է Ադրբեջանի նախագահ Իլհամ Ալիևը՝ ընդունելով Գերմանիայի տնտեսության արևելյան կոմիտեի պատվիրակությանը։

Ավանդույթի համաձայն անհիմն մեղադրանքների տարափ տեղալով միջազգային խոշոր դերակատարների վրա, նա «իր հիասթափություն է հայտնել ԵՄ դիվանագիտության ղեկավար Ժոզեպ Բորելի հայտարարություններից», գրում են ադրբեջանական ԶԼՄ-ները։

«Նախ՝ նրա այս հայտարարությունները չեն արտացոլում որևէ իրականություն և հակասում են միջազգային իրավունքին։ Երկրորդ՝ ադրբեջանական կողմը այս հայտարարությունները համարում է քողարկված սպառնալիք մեր երկրի դեմ։ Բորելն ասել է, որ եթե Ադրբեջանը հարձակվի Հայաստանի վրա, կտեսնի դրա ծանր հետևանքները։ Նախ, որտեղի՞ց Բորելին տեղեկությունը, որ Ադրբեջանը պատրաստվում է հարձակվել Հայաստանի վրա։ Մենք նման ծրագրեր չունենք։ Սրանք պարոն Մակրոնի ակնարկներն են»,- ասել է Ալիևը։

Նրա պնդմամբ, «այդ ամենը Ֆրանսիայի հակաադրբեջանական քաղաքականության մի մասն է»։