Իսրայելն էլի հարվածել է․ Հալեպի օդանավակայանը շարքից դուրս է եկել
![Իսրայելն էլի հարվածել է․ Հալեպի օդանավակայանը շարքից դուրս է եկել](https://hraparak.am/uploads/images/2023/08/image_750x_64ec3c3ccf86e.webp)
Իսրայելի ռազմաօդային ուժերը հրթիռային հարված են հասցրել Հալեպի միջազգային օդանավակայանին, ինչի հետևանքով օդանավակայանը շարքից դուրս է եկել: Այս մասին տեղեկությունը հայտնում է ՏԱՍՍ-ը՝ հղում անելով SANA գործակալությունը։
«Իսրայելցի հակառակորդը Սիրիայի դեմ նոր ագրեսիվ գործողություն է իրականացրել և ժամը 04։30-ին հրթիռային հարված հասցրել Հալեպի միջազգային օդանավակայանին։ Արդյունքում վնասվել է թռիչքուղին և նյութական վնաս է պատճառվել»,–ասված է հայտարարության մեջ։
Հարվածը հասցվել է Միջերկրական ծովի կողմից, հայտնել են գերատեսչությունից։
Նշվում է, որ սա արդեն Իսրայելի 22-րդ հարվածն է սիրիական տարածքին այս տարվա սկզբից ի վեր։
Կարծիքներ