ԱՊՀ ռազմաօդային ուժերը զորավարժություններ են կատարում
ԱՊՀ երկրների ռազմական ինքնաթիռները, որոնք ներգրավված են հակաօդային պաշտպանության ոլորտում, սկսել են զորավարժությունները ռուսական ռազմաօդային ուժերի ընդհանուր հրամանատարության ներքո։ Այս մասին հայտնում է ՌԴ Պնախարարությունը։ Նշվում է, որ զորավարժություններին մասնակցում է ավելի քան 100 ինքնաթիռ ԱՊՀ բոլոր երկրներից։ Զորախաղերին ներգրավված են հիմնականում Су-27, МиГ-29, МиГ-31, Як-130 տեսակի ինքնաթիռներ, ինչպես նաեւ ռմբարկու Су-24, Су-34, Су-25ինքնաթիռներ, Ту-22, Ту-160, Ту-95 հեռահար ավիացիան ներկայացնող ինքնաթիռներ եւ Ка-27, Ми-8 ուղղաթիռներ։ Զորախաղերի ժամանակ իրականացվելու են օդային տարածքի համատեղ օգտագործման կանոններին, օդային աղետ ապրած անձնակազմերին օգնություն տրամադրելու եւ սահմանախախտ ինքնաթիռներին հետ շպրտելու իրավիճակներին վերաբերող վարժանքներ։ Հատուկ ուշադրություն է դարձվելու օդանավերի առեւանգման դեպքում համարժեք գործողությունների իրականացման վերաբերյալ զորավարժություններին։
Կարծիքներ