Ռուսական ՀՕՊ համակարգերը Հմեյմիի ավիաբազայում անհայտ ծագման դրոն են խոցել

Ռուսական զենիթակրակային համակարգերը Սիրիայում գտնվող Հմեյմիի ռուսական ռազմական բազայում խոցել են անհայտ ծագման անօդաչու թռչող սարք: Այս մասին հայտնում է «РИА Новости» լրատվական գործակալությունը: Ըստ լրատվամիջոցի՝ ռազմաբազայում ծառայող աղբյուրի կողմից փոխանցված տեղեկատվության, թիրախ դարձած դրոնը եղել է փոքր չափսերի: Գործողության ընթացքում որեւէ մեկը չի տուժել: Նշենք, որ ապրիլ ամսին եւս Հմեյմիի ռուսական բազայում կրկին անհայտ ծագման դրոններ են նկատվել, որոնք ոչնչացվել են: