Ընտրատեղամասերը փակվեցին. առջևում քվեաթերթիկների հաշվարկն է

Ժամը 20-ին սահմանադրական փոփոխությունների հանրաքվեի քվեարկությունն ավարտվեց, ընտրատեղամասերը փակվեցին, րոպեներ անց կսկսվի ձայների հաշվարկը։

Շուտով Կենտրոնական ընտրական հանձնաժողովը կհրապարակի քվեարկությանը մասնակցած ընտրողների վերջնական թիվը։

Հիշեցնենք, ժամեր առաջ ԿԸՀ-ի հրապարակած տվյալներով՝ հանրաքվեին մասնակցելու իրավունք ունի 2,566,730 ընտրող:

Սահմանադրության 113-րդ հոդվածի համաձայն՝ «հանրաքվեի դրված նախագիծը համարվում է ընդունված, եթե կողմ է քվեարկել քվեարկության մասնակիցների կեսից ավելին, բայց ոչ պակաս, քան ընտրական ցուցակներում ընդգրկված քաղաքացիների մեկ քառորդը»։