Երրորդ տարբերակը՝ Սերժ Սարգսյանի հրաժարականի պահանջին այլընտրանք
Երեկվանից ոստիկանության գունդը գրաված «Սասնա ծռեր» զինված խմբի անդամ Վարուժան Ավետիսյանը Hraparak.am-ին այսօր ասաց, որ այս պահին քննարկվում է Ժիրայր Սեֆիլյանի առաջարկած երրորդ տարբերակի հարցը։ Նրա կարծիքով՝ իշխանությունների կողմից որոշակի տեղաշարժ, կարծես թե, նկատվում է այս հարցում։ Ավետիսյանը, սակայն, չմանրամասնեց, թե ինչ է իրենից ներկայացնում այդ երրորդ տարբերակը։ Այսինքն՝ դա կարո՞ղ է այլընտրանք հանդիսանալ Սերժ Սարգսյանի հրաժարականի պահանջի, Ավետիսյանն ասաց, որ այդ երրորդ տարբերակն իրենց համար ոչ պակաս արժեք ունեցող մի բան է, մնացածը թող ընթերցողն ինքը եզրակացնի՝ ինչ կարող է լինել։
Այս հարցով զրուցեցինք նաև նույն խմբի անդամ Պավլիկ Մանուկյանի հետ։
-Պարոն Մանուկյան, արդյոք Ժիրայր Սեֆիլյանի առաջարկած այդ երրորդ տարբերակը հնարավո՞ր է իրագործվի։
-Քննարկման փուլում է, հնարավորություն կա, կլինի, կլինի, չի լինի, չենք նեղանալու։
-Իսկ կարո՞ղ եք մանրամասնել՝ երրորդ տարբերակն իրենից ի՞նչ է ներկայացնում։
-Դեռ քննարկման փուլում է, չեմ կարող ներկայացնել։
-Արդյոք դա Սերժ Սարգսյանի հրաժարականի պահանջին այլընտրա՞նք է լինելու։
-Կարծում եմ, հավանականությունը շատ մեծ է, դժվարանում եմ ասել, բայց մոտ է։
-Այսինքն՝ հնարավոր է, որ Սերժ Սարգսյանի հրաժարականը չլինի, բայց այնպիսի լուծում լինի, որը ձեզ ձեռնտու՞ լինի։
-Հավանական է։
Վահե ՄԱԿԱՐՅԱՆ
Կարծիքներ