Նախարարի պաշտոնը Ամիրյանի ցանկությա՞ն, թե՞ վարչապետի որոշման հարցն է
ՀՀ մշակույթի նախարար Արմեն Ամիրյանը ևս ՀՀԿ-ից ստացած մանդատից հրաժարվողների ցանկում էր։ Hraparak.am-ը հարցրեց նրան՝ սա նշանակու՞մ է, որ ինքը կշարունակի պաշտոնավարել գործադիրում։ «Ինչպես որոշի նոր վարչապետը և մեր կուսակցությունը»,-ասաց նա։
-Այսինքն՝ ի սկզբանե պայմանավորվածություն եղե՞լ է, ենթադրում եմ՝ Ձեր համաձայնությամբ եք մանդատից հրաժարվելու դիմումը գրել։
-Այո, իհարկե, իմ համաձայնությամբ է։ մի քանի օր առաջ եմ ներկայացրել դիմումը։
-Կարո՞ղ ենք դրանից ենթադրել, որ նախնական պայմանավորվածություն է եղել՝ շարունակեք պաշտոնավարել նախարարի պաշտոնում։
-Ցանկություն։
-Ձե՞ր կողմից, թե՞ իրենց կողմից։
-Իմ կողմից։
-Իսկ իրե՞նք։
-Մի քանի օր սպասեք՝ կիմանաք։
-Սովորաբար ասում են՝ իրենց ցանկությունն է կարևոր (կուսակցության)։
-Ամսի 18-ից հետո կիմանաք, իմ ցանկությամբ․․․
-Ձե՞ր ցանկությունը պետք է գերակշռի այս հարցում, թե՞ իրենցը։
-Վստահաբար յուրաքանչյուր ընտրված թեկնածուի կամքն է, ցանկությունն է հրաժարվել մանդատից կամ ընդունել։
-Իսկ մնալ նախարարի պաշտոնու՞մ։
-Դե, դա արդեն կորոշի նոր կառավարության ղեկավարը։
-Այսինքն՝ դա արդեն իրենց ցանկության հարցն է։
-Կորոշի կառավարության նոր ղեկավարը։
Վահե ՄԱԿԱՐՅԱՆ
Կարծիքներ