Վրաստանն իրավունք չունի մերժել Երևանին․ Վասաձեն՝ ՀՀ-ին մատակարվող զրահամեքենաների մասին
![Վրաստանն իրավունք չունի մերժել Երևանին․ Վասաձեն՝ ՀՀ-ին մատակարվող զրահամեքենաների մասին](https://hraparak.am/uploads/images/2023/11/image_750x_6553900145fe2.jpg)
Ադրբեջանում շարունակում են ջղաձգորեն արձագանքել Վրաստանի տարածքով՝ Փոթիի նավահանգստով Ֆրանսիայի կողմից Հայաստանին մատակարվող զրահամեքենաների մասին տեղեկություններին։
«Չեմ կարծում, որ Ադրբեջանի և Վրաստանի հարաբերությունները կփչանան. դրանք ռազմավարական բնույթ ունեն: Իրականում ոչ մի արտառոց բան տեղի չի ունենում։ Այդ զրահամեքենաները կմատակարարվեն Իրանի տարածքով, թե՝ Վրաստանի, ոչ մի կերպ չի ազդի Թբիլիսիի և Բաքվի հարաբերությունների վրա։ Ուրիշ բան, որ սա տհաճ պատմություն է։ Ես համաձայն եմ սրա հետ, բայց գիտեմ, որ Բաքուն տեղյակ է եղել այդ մասին»։
Անդրադառնալով թեմային՝ Մինվալ․ազ-ի հետ զրույցում ասել է վրացի քաղաքագետ Գելա Վասաձդեն։
Նրա խոսքով, եթե Բաքուն պարզաբանման կարիք ունի, ապա պետք է դրա համար դիմի Վրաստանի պաշտպանության նախարարությանը, քանի որ յուրաքանչյուր նման փոխադրման թույլտվություն տալիս է ՊՆ-ն՝ գոյություն ունեցող պայմանագրի հիման վրա։
«Այդ փաստը չի կարող ազդել մեր հարաբերությունների վրա, թեկուզ միայն այն պատճառով, որ Ռուսաստանի և Ադրբեջանի շփումները չեն փչացնում նրա հարաբերությունները Վրաստանի հետ։ Մենք ռազմավարական առումով կապված ենք միմյանց հետ»,- ընդգծել է քաղաքագետը՝ ակնարկելով Բաքվի անտեղի խանդն ու բարձրացրած անհիմն աղմուկը։
«Հատկանշական է, որ Վրաստանի վարչապետը երկու օր առաջ Փարիզում էր և մասնակցում էր խաղաղության համաժողովին, որին ներկա էր նաև Հայաստանի վարչապետը։ Սրանից հետո տեղեկություններ եղան, որ Վրաստանն ու Հայաստանը կդառնան ԵՄ անդամ։ Փարիզում խորհրդաժողովն ավարտվել է երկու օր առաջ, և այդ մասին որոշումն ավելի վաղ էր ընդունվել։ Բացի այդ, օրենքով սահմանափակվել է ռուսական զենքի տարանցումը Վրաստանի տարածքով։ 2020 թվականի սեպտեմբերին Վրաստանը հայտարարեց, որ դադարեցնում է բոլոր տարանցումները Հայաստան՝ ԼՂ-ում ընթացող մարտերի ընթացքում։ Ֆրանսիական զենքի մատակարարումը դեպի Հայաստան կասեցնելու իրավական հիմքեր ընդհանրապես չկան։ Ի՞նչ պատճառով պետք է Վրաստանը մերժի հայկական կողմին։ Հետևաբար, այս երկու դեպքերն իրար հետ քիչ կապ ունեն»,- կարծիք է հայտնել Վասաձդեն։
Քաղաքագետի պնդմամբ, Հայաստանն իրավունք ունի հոգալ իր անվտանգության և պաշտպանունակության մասին.
«Սա ցանկացած պետության ինքնիշխան իրավունքն է։ Ուրիշ բան, որ պետական անվտանգության համակարգը բացառապես զենքի միջոցով չի ապահովվում։ Անվտանգության համակարգն առաջին հերթին բարիդրացիական հարաբերություններ են հարեւանների հետ կամ գոնե նորմալ հարաբերություններ՝ հիմնված փոխադարձ շահի վրա»։
Խոսելով Հայաստանի և Ադրբեջանի միջև խաղաղության պայմանագրի մասին՝ Վասաձեն ընդգծել է, որ դրա ստորագրման համար բոլոր հիմքերը կան, միայն քաղաքական կամք է պետք։
«Ես չեմ զարմանա, եթե կողմերը խաղաղության պայմանագիր կնքեն մինչև այս տարեվերջ։ Խաղաղության պայմանագրի ստորագրման համար ոչ մի խոչընդոտ չկա, բայց ես կանխատեսումներ չեմ անի»,- հավելել է նա։
Կարծիքներ