Ոչ թե նախագահ, այլ՝ ընդդիմադիր գործիչ Զուրաբիշվիլի․ կրքերը թեժանում են
![Ոչ թե նախագահ, այլ՝ ընդդիմադիր գործիչ Զուրաբիշվիլի․ կրքերը թեժանում են](https://hraparak.am/uploads/images/2023/11/image_750x_6553806bdb7c4.jpg)
Իշխող «Վրացական երազանք-Ժողովրդավարական Վրաստան» կուսակցության գործադիր քարտուղար Մամուկա Մդինարաձեն ասել է, որ կուսակցության անդամները որոշել են այլևս նախագահ չանվանել Սալոմե Զուրաբիշվիլիին՝ այդկերպ ամբողջովին անտեսելով նրա կարգավիճակը։
Նրա խոսքերը մեջբերում է Newsgeorgia.ge պորտալը։
«Նա չունի լեգիտիմություն ժողովրդի կողմից ընտրված պատգամավորներից, իրեն ընտրած մեծամասնությունից։ Ուստի մենք նրան նախագահ չենք անվանի, այլ պարզապես Սալոմե Զուրաբիշվիլի․ ընդդիմադիր քաղաքական գործիչ»,- ասել է Մդինարաձեն։
Հոդվածում նշվում է, որ այդպիսի հայտարարություն է արվել Զուրաբիշվիլիի՝ կառավարության հետ չհամաձայնեցված հերթական եվրոպական պետություն՝ Ֆրանսիա կատարած այցի ֆոնին։
Հիշեցնենք, որ Վրաստանի կառավարությունում պնդում են, թե նախագահը պարբերաբար խախտում է երկրի սահմանադրությունը՝ իր արտերկրյա այցերը նախարարների կաբինետի հետ չհամայնեցնելու հետևանքով։ Վերջերս Զուրաբիշվիլիի դեմ նույնիսկ իմպիչմենտի գործընթաց էր սկսվել նույն հիմքով։
Կարծիքներ