Շշի Մելոյի որդին չկալանավորվեց
![Շշի Մելոյի որդին չկալանավորվեց](https://hraparak.am/uploads/images/image_750x_5c5567ddc39f3.jpg)
«Հրապարակին» հայտնի դարձավ, որ «Պարտեզ» ռեստորանում տեղի ունեցած կրակոցների գործով մեղադրյալ 1995 թվականին ծնված Շանթ Մանուկյանը՝ Շշի Մելոյի՝ Մելիք Մանուկյանի որդին չի կալանավորվել ։ Այս մասին մեր ունեցած տեղեկությունը հաստատեցին նաև քննչական կոմիտեից․ Օրերս մեղադրող կողմը միջնորդություն էր ներկայացրել դատարան՝ նրա նկատմամաբ որպես խափանման միջոց կալանքը կիրառելու վերաբերյալ։ Փոխարենը կալանավորվել է միջադեպի 1984 թվականին ծնված մասնակիցը։
« Դատարանը բավարարել է քննիչի միջնորդությունը՝ «Պարտեզ» ռեստորանային համալիրի մոտ, զինված միջադեպի 1984 թվականին ծնված մասնակցի նկատմամբ որպես խափանման միջոց կալանավորումը կիրառելու վերաբերյալ: Դատարանը մերժել է զինված միջադեպի մասնակիցներից 1995 թվականին ծնված բնակչի նկատմամբ կալանքը որպես խափանման միջոց կիրառելու վերաբերյալ միջնորդությունը»,- մեզ հետ զրույցում ասաց Քննչական կոմիտեի լրատվության վարչության ղեկավար Նաիրա Հարությունյանը։
Հիշեցնենք, որ հունվարի 29-ին «Պարտեզ» ռեստորանում մի քանի անձինք կրակել էին իրար վրա։ Հնչած կրակոցների հետևանքով կյանքի հետ անհամատեղելի մարմնական վնասվածքներ էր ստացել Աբովյանի քաղաքի բնակիչ Արտաշես Գևորգյանը՝ ծնված 1989թ., ևս 7 անձ՝ ստացել տարբեր աստիճանի վնասվածքներ։ Դեպքի առթիվ հարուցվել է քրեական գործ Քրեական օրենսգրքի 104-րդ հոդվածի 2-րդ մասի 6-րդ, 7-րդ ,10-րդ կետերով, 34-104 հոդվածի 2-րդ մասին 1-ին, 6-րդ, 7-րդ,10-րդ 40-րդ կետերով, 235-րդ հոդվածի 1-ին մասով և 258-րդ հոդվածի 4-րդ մասի հատկանիշներով։ Այն է՝ սպանություն, սպանության փորձ՝ զենքի գործադրմամբ ,նաև՝ մի խումբ անձանց կողմից խուլիգանական դրդումներով՝ շատերի կյանքի համար վտանգավոր եղանակով, ինչպես նաև՝ ապօրինի զենք-զինամթերք պահելը։
Կարծիքներ