Չես հասկանում՝ ինչի՞ են հետապնդում, երբ նրանք արդեն երկրից հեռացած են լինում․․․
![Չես հասկանում՝ ինչի՞ են հետապնդում, երբ նրանք արդեն երկրից հեռացած են լինում․․․](https://hraparak.am/uploads/images/image_750x_5cc081db1da3f.jpg)
Սա էլ որերորդ դեպքն է, լսում ենք՝ նախկիններից այսինչին երկրից դուրս ձերբակալեցին և․․․
․․․Եվ ինչ։
Պարզվում է արտահանձնում չի իրականացվում։ Կամ տվյալ երկրի քաղաքացի է, կամ քաղաքական ապաստան է խնդրում․․․
Չես հասկանում՝ ինչի՞ են հետապնդում, երբ նրանք արդեն երկրից հեռացած են լինում՝ «մուկ ու կատու» պարզ խա՞ղ է․․․ Ախր երբ եզակի դեպքերը գումարվում են իրար և հոգնակի դառնում, արդեն քաղաքական երանգ են ստանում։
Մեկն ասաց քաղաքական հետապնդում է, երկուսն ասաց, բայց արդեն երբ մեծանում է թիվը, ստացվում է, որ աշխարհով մեկ է լինում, որ Հայաստանում նախկին իշխանավորների նկատմամբ քաղաքական հետապնդում է իրականացվում։ Գուցե այս հարցի շուրջ մի փոքր մտածեն։
ԴԱՀԿ ծառայության նախկին պետ, ԱԺ նախկին պատգամավոր Միհրան Պողոսյանը, որը օրերս ձերբակալվել էր Ռուսաստանում իրավապահների կողմից, դիմել է քաղաքական ապաստան ստանալու խնդրանքով: Ահա թե ինչ է ասում «Руна» պարբերականին տված հարցազրույցում Պողոսյանի փաստաբան Միխայիլ Յամչիտսկին․
«Միջնորդությունն արդեն պաշտոնապես տրվել է, պատշաճ կերպով ձևակերպվել է: Որոշումը կայացնում է Ռուսաստանի Դաշնության նախագահին կից հանձնաժողովը: Իմ կարծիքով` դրա համար հիմքեր կան. Միհրան Պողոսյանին հայրենիքում հետապնդում են քաղաքական մոտիվներով»։
Կարծիքներ