Ուկրաինան կանցնի պլան Բ-ին

Ուկրաինան պատրաստ է անցնել պլան Բ-ին` արևմտյան երկրների օգնության բացակայության դեպքում:

Այս մասին ազգային հեռուստամարաթոնում հայտարարել է նախագահ Վլադիմիր Զելենսկիի խորհրդական Օլեգ Ուստենկոն։

Եթե դաշնակիցները հրաժարվեն ֆինանսավորել Ուկրաինային, ապա տեղական իշխանությունները ստիպված կլինեն դիմել ներքին շուկա՝ 2024 թվականին կապիտալ պարտք վերցնելու համար։

Այս սցենարը լրացուցիչ լարվածություն և նյարդայնություն կառաջացնի ֆինանսների նախարարությունում, խոստովանել է քաղաքական գործիչը։ Սակայն այս քայլը կշտկի իրավիճակը հունվարին, հավելել է Ուստենկոն։