Վերստին կրկնում եմ իմ սկզբունքը
Ավետիք Չալաբյանին ճանաչել եմ որպես հասարակական գործիչ, որը տարիներ շարունակ անուրանալի դեր է խաղացել բանակաշինության և հայրենական ռազմարդյունաբերության զարգացման գործում: Վերջին ամիսներին նրա հետ շփվել եմ նաև հասարակական համախմբման նոր հարթակ ստեղծելու առումով և միշտ հիացել եմ նրա գիտելիքներով և նվիրումով:
Լսելով ձայնագրությունը (թեև մոնտաժված և ոչ ամբողջական), տեղի ունեցածը համարում եմ երկուստեք խիստ անընդունելի և վերստին կրկնում իմ սկզբունքը. Հայրենիքին պետք է ծառայել միմիայն մաքուր ձեռքերով, ազնիվ միջոցներով և երբևէ չտրվել քաղաքական որևէ սադրանքի, որն այս դեպքում ակնհայտ է:
Հորդորում եմ ազնիվ մղումներով պայքարի ելած բոլոր հայրենակիցներիս՝ անգամ այս ծանրագույն վիճակից մեր Հայրենիքը դուրս բերելու համար գործեք միայն ազնվագույն միջոցներով, մերժեք որևէ այլ տարբերակ ու առաջարկ:
Կարին Տոնոյան
Կարծիքներ