Նույնիսկ համավարակը չի կարող արգելք լինել մեր դասերի համար

Մամուլի ազգային ակումբի նախագահ Նարինե Մկրտչյանը ֆեյսբուքյան իր էջում գրում է՝ 

«Նույնիսկ համավարակը չի կարող արգելք լինել մեր դասերի համար: Անցնող շաբաթվա ընթացքում, ընդհանուր առմամբ, 6.5 ժամ տևողությամբ դասընթացներ, երեք օր անընդմեջ:
Հեռավար և լսարանային ուսուցման միջև ես շատ տարբերություն չտեսա, թեպետ լսարանայինը միշտ էլ գերադասելի է:
Լուսանկարում ուսանողներս են. շատ փոքր մասը, իհարկե, մյուսները ներկա են, բայց լուսանկարների կադրերից դուրս մնացին: Բացակայել են 3-4 ուսանող:
Համավարակի ժամանակ տարածված հումորային իրավիճակները մեզ մոտ էլ էին առկա: Օրինակ:
-Տիկ. Մկրտչյան, միայն մի րոպեով դուրս գամ դասից:
-Տիկ. Մկրտչյան, եթե ամսի 31-ին դաս ունենանք, պիտի բացակայեմ, քաղաքում չեմ լինելու. Արցախ եմ գնալու: - Բայց Արցախից էլ կարող ես միանալ համացանցով (ծիծաղ):
-Տիկ. Մկրտչյան, Հարությունը չի կարողանում դասի մտնել, միանալ չի կարողանում:
- Տիկ. Մկրտչյան, անգլերենի դասից ենք գալիս:
- Էրեխեք, մի աղմկեք: -Տիկ. Մկրտչյան, չենք աղմկում, ինչ-որ մեկի միկրոֆոնից է:
Հեռավար ուսուցման ընթացքում զգացի, որ ուսանողներիս կարոտել էի:
Առողջ եղեք»

: