Սայլը տեղից կարծես չի շարժվում
Արցախի «Արդարություն» կուսակցության համանախագահ Հակոբ Հակոբյանը ֆեյսբուքյան իր էջում գրել է․
«Արցախի Հանրապետությունում արդեն 8 ամիս է, որ մշակվում է Առողջապահության համակարգի ռազմավարությունը, սակայն, ինչպես ասում են՝ սայլը տեղից կարծես չի շարժվում:
Առողջապահության համակարգի ռազմավարության մշակումը պահանջում է նպատակների, խնդիրների, գործողությունների ծրագրի, ինչպես նաև այդ նպատակներին ու խնդիրներին հասնելու արդյունավետությունը վերահսկելու համար ցուցիչների հստակ սահմանում: Առողջապահության ռազմավարության մշակման գործընթացում պետք է իրականացնել նախապատրաստական աշխատանքներ, որից հետո նոր անցնել ռազմավարության մշակմանը:
Մասնավորապես՝
Բնակչության առողջության հիմնական ցուցանիշների, առողջապահական համակարգի արդյունքների, իրավիճակի և կատարողականի վերլուծություն.
Առողջապահության համակարգի առանցքային խնդիրների ձևակերպում.
Առողջապահության նպատակների և առաջնահերթությունների սահմանում.
Խնդիրների և դրանց լուծման մեխանիզմների ձևավորում, ռազմավարության իրականացման համար անհրաժեշտ ռեսուրսների, ժամկետների և մշտադիտարկման ցուցանիշների որոշում»։
Կարծիքներ