Հայաստանը միացել է GPOI ծրագրին
hraparak
19 Դեկտեմբեր 2013 | 18:24
0
Հայաստանը դարձել է ԱՄՆ-ի կառավարության կողմից ֆինանսավորվող Խաղաղապահության նախաձեռնություններին աջակցող GPOI ծրագրի գործընկեր պետություն: Այդ մասին տեղեկացնում է Հայաստանում Միացյալ Նահանգների դեսպանությունը:
Հաղորդագրության համաձայն՝ այս նախաձեռնության շրջանակում Հայաստանի խաղաղապահ կարողությունների զարգացման նպատակով Միացյալ Նահանգներն ակնկալում է տրամադրել մոտ 1.5 միլիոն դոլարի աջակցություն երկու տարվա ընթացքում: Նախաձեռնությունը միտված է ամրապնդել ՄԱԿ-ի ու տարածաշրջանային խաղաղապահ գործողություններում ներգրավված գործընկեր պետությունների կարողությունները:
«Այս նոր գործընկերությունը Հայաստանի և Միացյալ Նահանգների սերտ համագործակցության լուրջ ազդակ է, որով կարևորվում ու գնահատվում է Հայաստանի պատրաստակամությունը մասնակցել միջազգային խաղաղապահ գործողությունների Կոսովոյում, Աֆղանստանում և Լիբանանում», - ասված է հաղորդագրությունում:
Կարծիքներ