Թուրքիան պատրաստվում է ներխուժել Սիրիա
![Թուրքիան պատրաստվում է ներխուժել Սիրիա](https://hraparak.am/uploads/images/aee6907815a8b7b6565e0cc15f743a34.jpg)
Անկարայում կկայանա թուրք-սիրիական սահմանին տեղակայված զորքերի հրամանատարների հանդիպումը, որի ժամանակ կքննարկվի Սիրիա ներխուժման հարցը, գրում է Hurriyet-ը։
Հանդիպմանը կմասնակցեն տանկային և մոտոհրաձգային ստորաբաժանումների, ինչպես նաև հատուկ նշանակության ջոկատների հրամանատարները։ Հարցերից մեկը կլինի հնարավոր ներխուժման գործողության հրամանատարի նշանակումը։
Թուրքիան Սիրիայի հետ սահմանին տեղակայել է 54.000 զինվոր, ինչը կազմում է երկրի ցամաքային զորքերի ամբողջ թվի մոտ 15%-ը։
Հուլիսի 3-ին Թուրքիայի վարչապետ Ահմեթ Դավութօղլուն հայտարարել էր, որ Անկարան վերջին մի քանի ամիսներին մեծացրել է Սիրիայի հետ սահմանին ռազմական զորակազմը, ներառյալ՝ հատուկջոկատայինները և ռազմական տեխնիկան։
Կարծիքներ