Ազատ արձակված վարազները վերադարձել են կենդանաբանական այգի
![Ազատ արձակված վարազները վերադարձել են կենդանաբանական այգի](https://hraparak.am/uploads/images/24b1d27edf3bdb5640d48567c68297b7.jpg)
Ուսսուրիյսկի «Կանաչ կղզի» կենդանաբանական այգու վարազները վերադարձել են, երբ նրանց ազատ են արձակել քաղաքի հարակից անտառներում, տեղեկացնում է ТАСС-ը՝ հղում կատարելով քաղաքային իշխանությունների մամլո ծառայությանը:
Վարազներին փորձել են ազատություն տալ հեղեղված վանդակներից մի կերպ փրկելուց հետո: Սակայն նրանք գտել են հետդարձի ճանապարհը և վերադարձել «տուն», որտեղից ԱԻՆ աշխատակիցներն արդեն տարհանել են բոլոր կենդանիներին:
«Այժմ վարազներին տեղավորել են կենդանաբանական այգու իրենց նախկին հարևանների՝ արջերի մոտ»,- պատմել են մամլո ծառայությունում: Այդ երկու վարազներից բացի ժամանակավոր կացարանում պահվում են նաև 13 արջ և 3 շնագայլ:
«Կանաչ կղզի» կենդանաբանական այգին, որ գտնվում էր Ռազդոլնայա գետի ափին, ողողվել էր օգոստոսի 30-ին, երբ «Գոնի» թայֆունի հետևանքով փլուզվել էր գետի վրա կառուցված ջրամբարի պատնեշը: Գազանանոցը հայտնվել էր մոտ 1.5 մետր բարձրությամբ ջրի տակ: Արդյունքում ջրահեղձ էին եղել հիմալայան արջը, փորսուղը և մեկ շնագայլ: Եվս մեկ արջի չէր հաջողվել փրկել տարհանումից հետո:
Կարծիքներ