Լիահույս ենք, որ մշակված փաստաթուղթը լավագույնս կարտահայտի ՀՀ–ԵՄ փոխշահավետ համագործակցության խորությունը. Էդվարդ Նալբանդյան
ՀՀ արտգործնախարար Էդվարդ Նալբանդյանը հանդես է եկել հայտարարությամբ Եվրոպական հանձնաժողովի կողմից Հայաստանի հետ բանակցությունների մանդատի տրամադրման վերաբերյալ։ Ինչպես տեղեկացնում է ՀՀ ԱԳՆ կայքը, հայտարարությունում ասվում է.
«Կարևորում ենք Եվրոպական Միության խորհրդի կողմից Հայաստանի հետ հարաբերությունների նոր իրավական հիմքի ձևավորման շուրջ բանակցություններ սկսելու վերաբերյալ Եվրոպական Հանձնաժողովին մանդատի տրամադրումը:
Լիահույս ենք, որ բանակցությունների արդյունքում մշակված փաստաթուղթը լավագույնս կարտահայտի Հայաստան-Եվրոպական Միություն փոխշահավետ համագործակցության խորությունը, կարտացոլի հարաբերությունները նոր մակարդակի բարձրացնելու համատեղ հանձնառությունը ու կուրվագծի փոխադարձ հետաքրքրություն ներկայացնող բոլոր ոլորտներում համապարփակ փոխգործակցությունը»։
Կարծիքներ