Ոստիկանությունը, փառք նրան, էդ ի՜նչ մի արագի մեջ բռնեց նռնակ նետողին…
Անկեղծ ասած մինչև անձին շոշափելիության աստիճանի չես տեսնում, չես հավատում, որ ինչ որ մեկը կարող է նռնակ նետել Քոչարյանի առանձնատան վրա:
Հայաստանում, ինչքան հասկացել եմ, երբ ղեկավարից կամ որևէ պաշտոնյայից դժգոհ են լինում, դժգոհը թեթև բառ է, ինչ բառ ուզում եք, դժգոհով փոխարինեք, գնում ու իրենց սուսիկ- փուսիկ Կիևյան կամրջից ցած են նետում: Կամ էլ պատահում է, կանչում են Երիցյանին կամ ոստիկանապետին ու սպառնում՝ չէ՜, ինձ գցելու եմ, որովհետև…
Հիմա գտնվել է մեկը, որ Քոչարյանի առանձնատան վրա նռնակ է նետել: Մեկը չլինի՞, հարցնի, եղբայր, չէի հավատում, որ կաս, բայց որ կաս, ստիպված եմ հարցնել՝ ինչու՞ մեր ազգային ավանդույթը խախտում ես: Հայ չե՞ս…
Մեկ էլ մի բանի վրա եմ զարմանում՝ ոստիկանությունը, փառք նրան, էդ ի՜նչ մի արագի մեջ բռնեց նռնակ նետողին: Ի՜նչ արագ էլ խոստովանեց: Ուղղակի քեֆս բերեց:
Հիմա սպասենք, տեսնենք՝ ինչ է ասում, ինչու՞ է մեր ազգային ադաթներին դեմ գնացել կամ էդ նռնակը Ռուսաստա՞նն էր տվել, որ չպայթեց… Հայի նռնակը լա՜վ էլ պայթում է:
Վկայությունների կարիք չկա: Քառօրյա պատերազմը ձեզ օրինակ…
Հիշեցնենք, որ Ապրիլի 18-ին, ոստիկանության և ազգային անվտանգության ծառայության աշխատակիցները, ձեռնարկած օպերատիվ-հետախուզական միջոցառումների արդյունքում՝ մայրաքաղաքի Մանանդյան փողոցում գտնվող իր բնակարանում հայտնաբերել և բերման են ենթարկել Երևանի բնակիչ, 1984 թվականին ծնված Հովհաննես Մուրադյանին:
Հովհաննես Մուրադյանը խոստովանել է արարքը:
Հասմիկ Բաբաջանյան
Կարծիքներ